ഇന്ത്യന്‍ പ്രീമിയര്‍ ലീഗില്‍ മുംബൈ ഇന്ത്യന്‍സിലൂടെ ഉയര്‍ന്നുവന്ന തിലക് വര്‍മ, ഇന്ന് ഇന്ത്യന്‍ ക്രിക്കറ്റിലെ ഏറ്റവും സാങ്കേതിക തികവുള്ള ബാറ്റര്‍മാരില്‍ ഒരാളായി വളര്‍ന്നു കഴിഞ്ഞു. സമ്മര്‍ദ്ദ ഘട്ടങ്ങളില്‍ മികച്ച പ്രകടനം പുറത്തെടുക്കാനുള്ള കഴിവ് അദ്ദേഹത്തെ വരുംകാലത്തെ മൂന്ന് ഫോര്‍മാറ്റിലെയും മുന്‍നിര താരവും ഭാവി നായകനുമാക്കാന്‍ പോന്നതാണ്. 2025-ലെ ഏഷ്യ കപ്പും 2026-ലെ ട്വന്റി-20 ലോകകപ്പും നേടിയ ഇന്ത്യന്‍ ടീമുകളില്‍ അംഗമായിരുന്ന തിലക് ഇരു ടൂര്‍ണമെന്റുകളിലും നിര്‍ണായക പങ്കുവഹിച്ചിരുന്നു.
ഇതുവരെ കളിച്ച 75 ട്വന്റി-20 അന്താരാഷ്ട്ര മത്സരങ്ങളിലെ 71 ഇന്നിങ്‌സുകളില്‍ നിന്നായി 43.11 ശരാശരിയിലും 145.75 സ്‌ട്രൈക്ക് റേറ്റിലും 1,940 റണ്‍സ് തിലക് നേടിയിട്ടുണ്ട്. ഇതില്‍ രണ്ട് സെഞ്ചുറികളും 11 അര്‍ധസെഞ്ചുറികളും ഉള്‍പ്പെടുന്നു. അഞ്ച് ഏകദിന മത്സരങ്ങളില്‍ നിന്ന് ഒരു അര്‍ധസെഞ്ചുറി അടക്കം 68 റണ്‍സും താരം നേടിയിട്ടുണ്ട്.
24-ാം വയസ്സില്‍ തന്നെ ഈ ഇടങ്കയ്യന്‍ ബാറ്റര്‍ സ്വന്തമാക്കിയ ചില മികച്ച റെക്കോര്‍ഡുകള്‍ താഴെ നല്‍കുന്നു;
content highlights: Tilak Varma: India's Young Batting Prodigy & Most Reliable T20 Striker